موضوع: توك صغيره وإبتديتي تحبين؟؟

توك صغيره وإبتديتي تحبين
من علمك ليل السهر ياصغيره؟


بدري عليك العشق يابنت هاللحين
حرام هذا القلب وشهو مصيره؟


إنتي بريئه في الهوى ليه تشقين؟
دروبه طوال عليك وعسيره


رحتي بدرب ماله اصلا عناوين
وإنتي مشاويرك من اول قصيره


ياطفله حبت وراحت على وين؟
عقب الهنا ذقتي الحياه المريره


وينك ووين الحب والشوق والبين؟
عنيتي عيونك وصرتي سهيره


إمحق تسلي كان ودك تسلين
الورد لولا اللون وشهو عبيره؟


خليتي دروسك وصرتي تحاتين؟
الدرس في ديره وصرتي بديره


صرتي بعد من غير هذا تغارين؟
والمشكله يا بنت منتي خبيره


نصيحتي لك كان ودك تردين
يم السعاده والحياه المثيره


خلك بجو العايله لاتعدين
بابا وماما والعجوز الضريره


شيبانك اللي مايبونك تعانين
من بينهم عشتي كنك أميره


الحب قبلك هز ناس كثيرين
وخل القلوب تعيش هم وحيره


الحب يفضح لأنكشف داخل العين
وانتي بنفسك ماهقيتك بصيره


طيعي كلامي واحذري لاتمادين
تراجعي لعل في الامر خيره


عيشي الطفوله والبراء لك سنين
وبعدين حبي لا غديتي كبيره


منقول من ما راااق لي

ا