الحريق السنوي للكازية العسكرية

السلام عليكم ورحمة الله وبركاته
كيفكن شباب
كنت بتمنا اني ما انقل متل هيك خبر بس الظروف اقوى منا
اليوم الاحد 16\1\2011 الساعة 1:45
وبتبدة القصة لما دخل فان من نوع فولكس فاجن ليعبي بنزين
طبعا الفان مانو جديد ولانو قديم فهو حاضر الحربين وعايف حالو مهرتك
بعد ما عبا بانزين ومشي كم متر واذ بيشتعل المحرك نتيجة تسريب بانزين بالمحرك
وبعد شي شوي نزل البنزين عالارض وكبرت الحريقة -وقال الكريم خود-
واشتعل الفان باكملو
وهون صار دور الطفايات يلي ما عد لحقت مدري لانو فاضية مدري لانو النار كبرت
وبعد جهد بمحاولة اطفاء النار يلي ماحسنو انن يطفوا كانت واصلة سيارة الاطفاء
وبلشت رش بالمي هيــــــــــــــــــــــــــــــــــــــــــــــــــــــك حتى طفوة
الجدير بالذكر انو اجت سيارة اطفاء تانية بدل ما تجي سيارة اسعاف -ما فهمت انا ه الحركة ليش-
بس احلى شي واحد ماسك طفلة عمرة شي سنة واقف يتفرج غير الجمهور يلي التم كانو في احتفال
وناسيين انو هي كازية وفي بقلبا سيارة عم تحترق
بس الحمد لله ما نصاب حدا ولا ستوة حدا وانقضت القصة على خير
الصور بالمرفقات وعذروني انو الدقة مو كتير
بنهاية القصة بد اخد رأيكن >كأنو كل شهر صفر بيصير قصة عند الكازية وبتحترق<
كمان شو رأيكن بجاهزية هيك كازية
اسف يمكن طولت عليكن

أأصلا هي ما اسما كازية هي اسما ............ما بعرف شو بدي احكي
سيدي حصل خير
و يا مؤيد دير باللك ع حاللك انت قريب من المصدر لهيك السنة الجاي سافر ع غير بلد
سلاااااااااااااااام

شكرا أخ مؤيد بس والله برأي لازم يلاقو حل لهالإستهتار لأنو قبل إسبوع من هي الحادثة صار حريق بالكازية نفسها بس عند آبار المازوت يوما النار وصلت للسما وهلأ نفس القصة وما منعرف بكرا شو بصير
وبالنسبة لجاهزية الكازية فهي لازم يكتبو عليها (((كازية )))
أكيد كل يلي كانو موجودين شافو الجاهزية والإحتياطات يلي موجودة ؛ مضخات المي يلي بالكازية كلا عطلانة يعني لبين ما تجي الإطفائية كانت الكازية((( العوض بسلا متكن )))
بس الله ستر وصار في مساعدة من الجيران متل كازية السلطان و شوي من الناس يلي بيوتن معرضة للخطر(( ومتل ما بتعرف أنو أنا وإنت منن لأنو بيوتنا مقابل الكازية فورا))

بس المنظر يلي ما بعرف إضحك ولا إنقهر علية هوي وصول الإطفائيات العسكرية بعد ما إحترق الباص وطفوا وطالعوا لبرات الكازية

شكرا عالصورجاري "مؤيد" عم نستنا منك المزيد