القطيفة Lover

أهلا وسهلا بك أخي الكريم أختي الكريمة اذا لم تسجل بعد بالمنتدى يمكنك التسجيل

انضم إلى المنتدى ، فالأمر سريع وسهل

القطيفة Lover

أهلا وسهلا بك أخي الكريم أختي الكريمة اذا لم تسجل بعد بالمنتدى يمكنك التسجيل

القطيفة Lover

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
القطيفة Lover

2 مشترك

    يوميات موظف سوري

    بياض الثلج
    بياض الثلج
    عضو جيد
    عضو جيد


    عدد المساهمات : 84
    نقاط : 158
    ضع تقييمك للمنتدى : 3
    تاريخ التسجيل : 20/01/2010
    العمر : 36

    يوميات موظف سوري Empty يوميات موظف سوري

    مُساهمة  بياض الثلج الخميس فبراير 11, 2010 6:21 pm

    هاد مرة موظف وقف عند السمان يلي بيحارتو واشترى شوية غراض
    ولما طلب من السمان أنو يسجلهن عليه بالدين رفض السمان
    وقلو ما بتعامل انا إلا بالكاش موني
    فقلو الموظف متعجب : بدك كاش؟؟
    قلو السمان أي ليش لأ؟
    فجاوبو الموظف
    الكاش غير متوفر بالأسواق المحلية
    لأنه تجمع بأيدي شلة من الحرمية
    والحرمية صارو كتار
    والكترة غلبت الشجاعة
    والشجاعة كنز لا يفنى
    والكنز موجود بالمغارة
    والمغارة ما بتفتح إلا لعلي بابا والأربعين حرامي
    والأربعين حرامي صارو ملايين
    والملايين عم تندفع لضعاف النفوس رشوة
    والرشوة صارت حق
    والحق يا حسرتي ضاع
    والأكل ما عاد منو غذاء
    والغذاء مقابل النفط
    والنفط جاب البلا على روسنا
    وروسنا تمرمطت بالأرض
    والأرض مقابل السلام
    والسلام صار استسلام


    والاستسلام ضيّع الكرامة
    والكرامة خسر أدام الوحدة
    والوحدة صارت حلم
    والحلم سيد الأخلاق
    والأخلاق تحولت لنفاق
    والنفاق جمع نفق
    والنفق لازم يتكمّل
    ولحتى يتكمّل بدو متعهد بناء صالح
    وصالح ما عاد بهالأيام
    وبهالأيام صارت المفاهيم مقلوبة
    والمقلوبة بدها بيتنجان ولحمة
    واللحمة ماعادت تفوت لبيت الفقرا ولو نطحو الحيطان
    والحيطان صار ألها أدان
    والأدان معبية البلد
    وهالبلد صار في أكل هوا
    والهوا صار في تلوث
    والتلوث عشعش بالنفوس، والسجل المدني والقضاء
    وللقضاء على القضاء صار بدو قضاء وقدر
    والقدر علينا مكتوب
    والمكتوب ما في منو هريبة
    والهريبة تلتين المرجلة
    والمرجلة ما عادت لكل واحد
    وكل واحد ألو ساعة
    والساعة أتية لا ريب فيها يوم يأخذ كل ذي حق حقه اللي شفط من هالدنيا

    وعلى الدنيا السلام مشان الحصول على الأختام
    والأختام عند المدام
    والمدام كانت شامية وهلأ صارت روسية شقرا
    والشقرا بتهز الأرض
    والأرض بتتكلم عربي
    والعربي ماحدا بيقدر عليه غير الله
    والله اذا منضل على هالحالة لتسحبنا الكلاب
    والكلاب أحسن من البني آدم
    وآدم علق علقة مسخمة مع حوا
    وحوا ما بتعرف غير كلمة بدي
    وبدي ألعن أبو هالحالة
    بطلت اشتري
    Administrator
    Administrator
    Admin


    عدد المساهمات : 569
    نقاط : 101592
    ضع تقييمك للمنتدى : 14
    تاريخ التسجيل : 13/01/2010
    العمر : 30
    الموقع : قلب أمي .....

    يوميات موظف سوري Empty قصة واقعية وحلوة كتير

    مُساهمة  Administrator الجمعة فبراير 12, 2010 8:05 am

    شكراااااااااا بياض الثلج ع القصة الرائعة


    ونحنا بانتظاااااااارك بكل جديد

      الوقت/التاريخ الآن هو الجمعة مارس 29, 2024 4:38 am