القطيفة Lover

أهلا وسهلا بك أخي الكريم أختي الكريمة اذا لم تسجل بعد بالمنتدى يمكنك التسجيل
القطيفة Lover

    العنف اللفظي

    شاطر

    ░▒▓█MoAYAd█▓▒░
    عضو جيد
    عضو جيد

    عدد المساهمات : 153
    نقاط : 291
    ضع تقييمك للمنتدى : 1
    تاريخ التسجيل : 28/12/2010
    العمر : 24
    الموقع : بالبيت

    العنف اللفظي

    مُساهمة  ░▒▓█MoAYAd█▓▒░ في الخميس فبراير 10, 2011 5:27 pm

    أول درس في العنف لما كنا صغار هوغرفة الفيران...وكانت أول درس في ثقافة العنف المكتسبة .. الغرفة الوهمية إلي كانو يهددونا فيا بالمدرسةيعني كلام الانسة إللي بدي أسمعو عم يحكي بدي حطو بغرفة الفيران
    كمان العنف النفسي اللي كان يتمارس من قبل الأهل
    يعني الكلمات اللي كنا نسمعا دائماً
    مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ
    جلدك عن عضمك .................الخ
    في مصطلحات عنف كانت تعتمد على الطب
    والله لشيل عيونك - والله لطير راساك - يشوفك الحكيم ويهز براسه - والله لأقرف رقبتك وحملك ياها - والله لأقص عصبك ( أو لسانك أو إيدك ) لا فرق
    في عنف مشتق من الكلام الوطني
    والله لأطرأك كف خلي سنانك تمشي مسيرة قدامك
    في عنف مشتق من الحيوانات
    والله لخليك تقاقي ماتلاقي - والله لخليك تعوّي متل الكلاب
    وفي عنف رومانسي وخيالي
    والله لفرجيك نجوم الضهر اللي صارت معروفة عنا أكتر من نجوم الليل
    في عنف دبلوماسي أكيد عرفتوا
    هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك وبغباء الابن المعهود منصدق




    وعند أول اختلاف وجهة نظر بيناتنا"طبعاً بابا"وبس نقول :بس يا بابا هدا رأيي.... بيطفي الوالد سيكارتو وبيطفي وجهة نظرنا بكلمة وحدة ولاك "...."صار عندك وجهة نظر !! سماع ولا نص نصيص كبرت لما صغرت .. طلعت لما نزلت .. بضلك تحت هالـ"...."و مابيمشي غير اللي أنا بقولو أوم ولا !! جيل اّخر زمن ..صرلك لسنا تحكي... والله عال
    حتى صار عنا عنف باعترافاتنا العاطفية
    يعني اذا حبينا حدا منقلو... تقبر قلبي -تقبر عظامي-تكفني- تطلع على قبري





    وغيرو كتير من المفردات الي مليانة عنف ومازالت الكلمات تتزايد
    مثلا خدوا هدول
    يقصف عمرك
    تروح قتل ودعوسة وخنق
    يخرب زوءك
    يبعتلك قتلك
    يبعتلك حمة بسبع اشكال
    سخونة تكتكت شحمك
    اسم الله على تفاتيح عقلك
    يقطع عمرك
    ...

    تحياتي لكم وحماكم الله من العنف


    سارية أبوشعر
    نائب المدير
    نائب المدير

    عدد المساهمات : 551
    نقاط : 1120
    ضع تقييمك للمنتدى : 2
    تاريخ التسجيل : 04/02/2010
    العمر : 32
    الموقع : دمشق _ مجتهد

    رد: العنف اللفظي

    مُساهمة  سارية أبوشعر في الخميس فبراير 10, 2011 6:17 pm

    الله يسلم ايديك رجعتني 10 سنين لوره

      الوقت/التاريخ الآن هو الثلاثاء ديسمبر 06, 2016 10:13 am