القطيفة Lover

أهلا وسهلا بك أخي الكريم أختي الكريمة اذا لم تسجل بعد بالمنتدى يمكنك التسجيل
القطيفة Lover

    أمثال شعبية من المنطقة

    شاطر

    Administrator
    Admin

    عدد المساهمات : 569
    نقاط : 101592
    ضع تقييمك للمنتدى : 14
    تاريخ التسجيل : 13/01/2010
    العمر : 23
    الموقع : قلب أمي .....

    أمثال شعبية من المنطقة

    مُساهمة  Administrator في الخميس نوفمبر 11, 2010 11:44 pm


    لأمثال الشعيبة الشائعة في المنطقة :

    · الأصيلة ما بيعبا جلالا

    · إذا جرد وما روينا أمجلنا وما درينا

    · استكبرها ولو كانت مرة

    · إلنا من هالحزمة عود والباقي تنتعوه القرود

    · أول ثلجة سم وتاني تلجة دم والتالتة كول ولاتهتم

    · اللي بيطلع من دارو بيقل مقدارو

    · الحكم ملح الأرض

    · خبي حطباتك الكبار لعمك آذار

    · خود البنات من صدور العمات

    · دابة الشاركة بتموت على المعلف

    · الذروه احسن من الفروه

    · ركبناه ورانا مد إيدوه على الخرج

    · غب غب الجمال وفز قبل الرجال

    · القرصة بغضة ولو كانت من أصابع فضة.

    · لا تستعجب المطر بأيار ياما شلناه عن الغمار

    · ليالي كانون بتشيب النسر

    · لا تخاف إلا من العينو زق وسنانو فرق ودقنو سكسوكي

    · اللي بيفتح زنبيلو كل الناس بتعبيلوه

    · اللي بيشتغل بالسم بيدوقوا

    · يلي بيستحي من بنت عمو ما بيجبش ولاد

    · النار فاكهة الشتي والمايصدق يصطلي

    · مركب الضراير سار ومركب السلايف احتا ر

    · الماعندو كبير يشتري كبير

    عبارات التهكم:

    · أبوك البصل وإمك التوم منين إجتك الريحة الطيبة.

    · إذا كان طباخنا جعيص شبعنا مرقة

    · بالسخرة متل المهرة

    · بس يفلس جحي بيدور على دفاترو العتق

    · جحي أكبر من أبوه

    · حط الدست وأيد تحتو ما أضرب من الخال إلا ابن أختو

    · إلحاق الديك شوف لوين بوديك يا عالقن ياعالمزبلة

    · صحت وصحصحت وما ضل للضيف حجة

    · طلع لجي قرايب

    · مطبل بالدنيا مزمر بالآخرة

    · واحد حامل دقنو والتاني تعبان فيها

    · يلبق للحنبيق طنبق ولأبو زريق خناقه

    عبارات تقال في مناسبات مختلفة:

    · بالدين حط رطلين

    · تجي موجة.

    · أخو الحفياني

    · طالعة من القفة وقاعدة على ادنيها.

    · سكر دكانك

    · العندو فلفل برش على المجدرة

    · فلان ملحو على ديلو

    · ما راح يوم وإجا متلو

    · ما عمرا شجرة وصلت لعند ربا

    · وقعت الفارة من السقف قال القط اسم الله قالتلوا اسلم منك وألف خير من الله .







    بعض قصص الأمثال:

    كف عدس

    عشق أحدهم ارمأة متزوجة وكانا يتقابلان يوميا وفي احد الأيام ضبط الزوج زوجته مع عشيقها في البيدر فهرب العاشق هربا بعد أن خطف ملء قبضته عدسا من البيدر وطارده الزوج فالتجأ الهارب إلى رجل يحميه فسأله ماذا فعلت فقال: أخذت من بيدره كف عدس فعنف الرجل الزوج وقال: أمن أجل كف عدس تريد قتله فقال له :

    "اللي بيعرف بيعرف واللي ما بيعرف بيقول كف عدس" فذهبت مثلا..



    اللي بيحط إيده تحت راسه بيلاقيها :

    نام أحدهم على سطح منزله وقد ظهخرت يده عارية من الشارع وفي الصباح الباكر وأثناء ورود النساء للعين لملء الماء استرعت يد الشاب نظرهن فنظرن إليها بإعجاب وكانت إحداهن تنظر إليها وهي تحمل الجرة فتعثرت ووقعت وكسرت جرتها وفي لحظتها مر فارص مصقلي أحد فرسان الرحيبة في القرن التاسع عشر فعرف السبب فاستل سيفه وضرب يد الشاب فقطعها وقال :

    " اللي بيحط إيدوه تحت راسو بيلاقيها" فذهبت مثلا....

    ورررد
    عضو جيد
    عضو جيد

    عدد المساهمات : 120
    نقاط : 184
    ضع تقييمك للمنتدى : 0
    تاريخ التسجيل : 03/10/2010
    العمر : 27
    الموقع : بحر الحب

    مشكورر

    مُساهمة  ورررد في الجمعة ديسمبر 10, 2010 5:47 pm

    الله يعطيك العافية
    امثال حلوة
    cheers cheers cheers

      الوقت/التاريخ الآن هو الثلاثاء ديسمبر 06, 2016 10:10 am